{"id":78,"date":"2020-10-13T15:08:40","date_gmt":"2020-10-13T14:08:40","guid":{"rendered":"https:\/\/stgilescentre.org\/?page_id=78"},"modified":"2026-05-21T17:11:27","modified_gmt":"2026-05-21T16:11:27","slug":"projects","status":"publish","type":"page","link":"https:\/\/stgilescentre.org\/cy\/projects\/","title":{"rendered":"Prosiectau"},"content":{"rendered":"
\"photo<\/figure>\n\n\n\n
<\/div>\n\n\n\n
<\/div>\n\n\n\n

Prosiect Llais yr Athro: CGM yn y Cwricwlwm i Gymru<\/h2>\n\n\n\n
\"\"<\/figure>\n\n\n\n

Gwahoddwyd athrawon ledled Cymru i gymryd rhan mewn Arolwg Llais Athrawon sy\u2019n canolbwyntio ar Grefydd, Gwerthoedd a Moeseg (CGM). Nod yr arolwg oedd casglu profiadau athrawon a\u2019u hymgysylltiad \u00e2 newidiadau i\u2019r cwricwlwm o dan y Cwricwlwm i Gymru, gyda ffocws penodol ar CGM. Ei ddiben oedd darparu cipolwg amserol ar safbwyntiau athrawon er mwyn cyfrannu at drafodaeth broffesiynol a dysgu proffesiynol sy\u2019n seiliedig ar ymchwil, yn ogystal \u00e2 datblygiad y cwricwlwm.<\/p>\n\n\n\n

Ar gyfer ysgolion Wrecsam, gan gynnwys ysgolion eglwysig, roedd yr arolwg yn gyfle pwysig i sicrhau bod lleisiau a phrofiadau lleol yn cael eu hadlewyrchu mewn ymchwil genedlaethol. Bydd ymatebion athrawon o Wrecsam yn cyfrannu at ddatblygu dealltwriaeth ddyfnach o sut mae CGM yn cael ei ddehongli a\u2019i wreiddio mewn cyd-destunau lleol, gan gynnwys lleoliadau ysgolion eglwysig.<\/p>\n\n\n\n

Pwy arweiniodd yr ymchwil?<\/h5>\n\n\n\n

Arweiniwyd y prosiect ymchwil gan Ganolfan Sant Silyn a Phrifysgol Lincoln Bishop, mewn cydweithrediad \u00e2 chydweithwyr o Brifysgol Metropolitan Caerdydd, Cymorth Addysg Castell-nedd Port Talbot, ac Ysgol Uwchradd Llanisien, Caerdydd. Cafodd y prosiect ei gefnogi gan Gymdeithas CYSAGau \/ CYSau Cymru, a gynorthwyodd i hyrwyddo\u2019r arolwg ledled Cymru.<\/p>\n\n\n\n

Pwy gymerodd ran yn yr arolwg?<\/h5>\n\n\n\n

Roedd yr arolwg ar agor i ymarferwyr sy\u2019n addysgu yng Nghymru mewn cyd-destun ysgol neu leoliad 3\u201316 oed. Roedd hyn yn cynnwys athrawon sy\u2019n gweithio mewn ysgolion Meithrin, Cynradd, Uwchradd, Pob Oed, Ysgolion Arbennig ac Unedau Cyfeirio Disgyblion (UCDau), gan gynnwys y rhai mewn ysgolion eglwysig yn Wrecsam.<\/p>\n\n\n\n

Pam oedd yr arolwg yn bwysig i ysgolion Wrecsam ac ysgolion eglwysig?<\/h5>\n\n\n\n

Darparodd yr arolwg ffordd strwythuredig i athrawon Wrecsam, gan gynnwys y rhai sy\u2019n gweithio mewn ysgolion eglwysig, rannu eu profiadau proffesiynol o CGM o fewn y Cwricwlwm i Gymru. Bydd y safbwyntiau lleol hyn yn helpu i lywio dysgu proffesiynol yn y dyfodol, adnoddau\u2019r cwricwlwm, a gweithgarwch ymchwil sy\u2019n ymatebol i gyd-destunau penodol ysgolion Wrecsam. Drwy osod profiadau athrawon Wrecsam o fewn darlun cenedlaethol ehangach, mae\u2019r ymchwil hefyd yn cryfhau dealltwriaeth o heriau a rennir yn ogystal \u00e2 nodweddion lleol unigryw, yn gyffredinol ac yn benodol mewn perthynas ag addysg sy\u2019n cael ei harwain gan werthoedd ac ethos ysgolion eglwysig.<\/p>\n\n\n\n

Mae\u2019r arolwg bellach wedi cau, ac mae\u2019r dadansoddi ar y gweill. Bydd y canfyddiadau\u2019n cael eu cyhoeddi yn fuan ac ar gael ar y dudalen hon, ynghyd \u00e2 deunyddiau sy\u2019n seiliedig ar ymchwil a dolenni i brosiectau cysylltiedig sy\u2019n berthnasol i ysgolion ac ymarferwyr yn Wrecsam.<\/p>\n\n\n\n

Canfyddiadau'r arolwg<\/h5>\n\n\n\n

Gellir gwylio canfyddiadau allweddol dethol o'r arolwg ar y PowerPoint 'troslais' hwn.<\/p>\n\n\n\n

    \n
  1. Lawrlwythwch y PowerPoint<\/li>\n\n\n\n
  2. Dewiswch 'sioe sleidiau'<\/li>\n\n\n\n
  3. Dewiswch 'chwarae o'r dechrau' <\/li>\n<\/ol>\n\n\n\n

    Mae adroddiad swyddogol y prosiect yn dod yn fuan, a bydd ar gael ar y dudalen hon.<\/p>\n\n\n\n

    Teachers Voice survey selected finds PowerPoint with voice over<\/a>Lawrlwytho<\/a><\/div>\n\n\n\n
    Rhagor o wybodaeth am yr arolwg<\/h5>\n\n\n\n