Mae Canolfan San Silyn yn cael ei harwain gan ddau aelod craidd o staff, Libby Jones a Tania ap Sion. Mae Libby a Tania yn cydweithio i gefnogi ysgolion ledled Bwrdeistref Sirol Wrecsam, gan dynnu ar eu sgiliau cyflenwol a'u profiad proffesiynol eang.
Libby Jones
Mae Libby Jones yn Athrawes Ymgynghorol dros Addysg Grefyddol yn Wrecsam, yn cael ei chyflogi gan Gyngor Bwrdeistref Sirol Wrecsam. Mae hi’n arbenigo yn y Dyniaethau ac Addysg Grefyddol. Mae ganddi Radd Anrhydedd yn y Dyniaethau o Brifysgol Birmingham, TAR Addysg Grefyddol Uwchradd o Brifysgol Coventry, ac MA mewn Crefydd ac Addysg o Brifysgol Cymru. Mae gan Libby dros 20 mlynedd o brofiad dysgu, ac am y rhan fwyaf o’r amser hwnnw bu’n dysgu addysg grefyddol ym Mwrdeistref Sirol Wrecsam. Mae Libby wedi dal rolau allweddol yn natblygiad CGM yn y Cwricwlwm i Gymru a datblygu cyfleoedd dysgu proffesiynol o ansawdd sicr i gefnogi athrawon ac ysgolion.Bu Libby’n gweithio yng Nghanolfan San Silyn ers ei sefydlu yn 2012.
Tania ap Siôn
Mae Tania ap Siôn yn arbenigwr addysg grefyddol a diwinydd sy'n byw yng Ngogledd Cymru gyda dros 30 mlynedd o brofiad mewn addysgu, arweinyddiaeth ac ymchwil. Mae hi wedi arwain a datblygu rhaglenni ar lefelau BA, BEd, MA a TAR, yn ogystal ag ar lefel gradd ymchwil. Mae Tania wedi dal swyddi academaidd yng Nghymru a Lloegr, gan gynnwys ym mhrifysgolion Bangor, Wrecsam a Warwick, ac ar hyn o bryd mae'n Ddarllenydd mewn Crefyddau, y Dyniaethau ac Addysg ym Mhrifysgol Lincoln Bishop. Mae hi hefyd yn Offeiriad Cyswllt sy'n hunangynhaliol yn Esgobaeth Bangor gyda Chaniatâd i Weinyddu yn Esgobaeth Llanelwy. Mae hi'n ymchwilydd gweithredol mewn crefydd ac addysg, wedi ymrwymo i sicrhau bod ymchwil o ansawdd uchel yn cefnogi arfer ystafell ddosbarth a dysgu disgyblion yn uniongyrchol. Mae hi wedi datblygu adnoddau cwricwlwm ar gyfer AG/CGM cynradd ac uwchradd yng Nghymru ac wedi chwarae rhan allweddol wrth lunio CGM o fewn y Cwricwlwm i Cymru, gan gynnwys dysgu proffesiynol. Mae Tania wedi bod yn ymwneud yn agos â Chanolfan San Silyn ers ei sefydlu a daeth yn aelod craidd o staff ym mis Hydref 2020 trwy ei phartneriaeth â Phrifysgol Lincoln Bishop.