Cynigir cymorth ymgynghorol anffurfiol a ffurfiol i athrawon yn ysgolion cynradd ac uwchradd Wrecsam drwy bartneriaeth greadigol rhwng Cyngor Bwrdeistref Sirol Wrecsam (CBSW) a Chanolfan San Silyn. Mae'r bartneriaeth hon yn golygu bod Wrecsam yn gallu cael ymgynghorydd AG/CGM arbenigol.
Yn ogystal â rhoi cefnogaeth ymgynghorol i athrawon yn Wrecsam, darperir cymorth arbenigol ar y pwnc i Gyngor Ymgynghorol Sefydlog Wrecsam ar Addysg Grefyddol (CYSAG), sef y corff statudol sy’n cynghori CBSW ar faterion sy’n gysylltiedig â darparu addysg grefyddol ac addoli ar y cyd o fewn yr awdurdod lleol.
Enghreifftiau o gymorth
Mae ysgolion ac athrawon yn gofyn am nifer o wahanol fathau o gefnogaeth ymgynghorol. Dyma rai enghreifftiau diweddar o’r gefnogaeth a roddwyd.
- Cynllunio a chynnydd ar gyfer CGM mewn dosbarth integredig.
- Datblygu ysbrydolrwydd yn y dosbarth.
- Cefnogi Astudiaethau Crefyddol ar lefel arholiad.
Fforwm Astudiaethau Crefyddol Wrecsam a Sir y Fflint
Mae Canolfan San Silyn yn parhau i gefnogi Fforwm Astudiaethau Crefyddol Wrecsam a Sir y Fflint, sy'n cael ei redeg gan athrawon ar gyfer athrawon. Mae’r gefnogaeth a gynigir gan y Ganolfan yn cynnwys dysgu proffesiynol, cyngor arbenigol, adnoddau, diweddariadau ar ddatblygiadau perthnasol, annog cyfranogiad mewn sgyrsiau cenedlaethol, a rhannu arfer sy’n dod i’r amlwg o bob rhan o Gymru.
Sut ydw i’n cael gafael ar gymorth ymgynghorol?
Gallwch gysylltu’n uniongyrchol â Libby i drafod pa gymorth ymgynghorol sydd ei angen arnoch. Gellir rhoi cymorth drwy e-bost, ffôn, cynhadledd fideo, ac wyneb yn wyneb. Cysylltwch â Libby yn: Libby.Jones@wrexham.gov.uk