Y dyddiad cau i gyflwyno’ch ymateb i ymgynghoriad Cymwysterau Cymru yw 5pm ar 9 Ebrill 2021. Yn y blog yma, rydym yn ail-ymweld â phrif ddiben yr ymgynghoriad ac yn codi rhai cwestiynau pwysig i feddwl amdanynt.
Pwrpas yr ymgynghoriad
Mae’r ymgynghoriad yn rhan o broses i sicrhau fod cymwysterau TGAU yng Nghymru yn addas i’r diben o fewn cyd-destun y Cwricwlwm newydd i Gymru.
Dyma’r sail i dri chwestiwn yr ymgynghoriad, sef:
- I ba raddau ydych chi’n cytuno neu’n anghytuno â’n cynigion i adolygu a diwygio TGAU mewn Busnes, Daearyddiaeth, Hanes ac Astudiaethau Crefyddol?
- I ba raddau ydych chi’n cytuno neu’n anghytuno â’n cynnig i greu TGAU newydd mewn Astudiaethau Cymdeithasol, os yw hynny’n ymarferol?
- I ba raddau ydych chi’n cytuno neu’n anghytuno â’n cynnig i gredu TGAU integredig newydd yn y Dyniaethau, os yw hynny’n ymarferol?
Wrth ymateb i’r cwestiynau hyn, efallai y bydd recordiad o wemniar gan Gymwysterau Cymru o ddefnydd i chi. Mae’n trafod rhai o’r ystyriaethau yma.
Rhai cwestiynau i feddwl amdanynt
Gallai rhai o’r cwestiynau canlynol fod o ddefnydd i chi wrth ystyried eich ymateb:
- A oes angen adolygiad o’r TGAU Astudiaethau Crefyddol (AC) presennol?
- A fyddai enw/teitl newydd i’r cymhwyster AC newydd yn briodol?
- Ydi cael fersiwn cwrs byr o’r cymhwyster AC newydd yn bwysig/angenrheidiol?
- Sut bydd gofynion y maes llafur cytunedig i CGM yn cael eu diwallu gan y cymhwyster newydd hwn?
- Sut bydd gofynion dulliau lleol gwahanol h.y. meysydd llafur enwadol, yn cael eu diwallu gan y cymhwyster newydd hwn?
- Beth allai fod canlyniadau anfwriadol TGAU astudiaethau cymdeithasol newydd (yn cynnwys effaith y cymhwyster AC newydd ac effaith CGM gorfodol yn CA4)?
- Beth allai fod canlyniadau anfwriadol TGAU Dyniaethau newydd (yn cynnwys effaith y cymhwyster AC newydd ac effaith CGM gorfodol yn CA4?
Os hoffech siarad â ni am eich barn a/neu eisiau cynnig unrhyw wybodaeth i gefnogi ymateb yr ALl, gysylltu â ni gan erbyn 8 Ebrill 2021..
Dyma 'r ddogfennaeth a dolenni i’r ymgynghoriad.