Dydd Gwener, 21 Mai 2021, agorodd ymgynghoriad cyhoeddus Llywodraeth Cymru ar ganllawiau drafft Crefydd, Gwerthoedd a Moeseg (CGM). Caiff pawb sydd â diddordeb mewn Addysg Grefyddol (a ailenwyd yn Crefydd, Gwerthoedd a Moeseg) eu hannog i gymryd rhan yn yr ymgynghoriad a chyflwyno’u hymatebion.
Mae’r ymgynghoriad yn rhan bwysig o gamau olaf proses ddatblygu ar y cyd a fwriedir i greu cefnogaeth ychwanegol i ysgolion, lleoliadau a CYSAGau o ran Crefydd, Gwerthoedd a Moeseg.
Mae Canolfan San Silyn wedi cynhyrchu fideo 20 munud byr sy’n crynhoi’r hyn sydd yn y Canllawiau Crefydd, Gwerthoedd a Moeseg a pham ei fod yno. Gallwch weld y fideo yma. Gallwch gael y ddolen i’r ymgynghoriad yma.
Os ydych yn ymarferydd sy’n gweithio yn Wrecsam ac yr hoffech rannu’ch barn yn uniongyrchol gyda San Silyn, cysylltwch â ni ac fe’ch helpwn i gael eich llais wedi’i glywed.
Y dyddiad cau i ymateb i’r ymgynghoriad yw: 16 Gorffennaf, 2021.