Mae staff Canolfan San Silyn yn falch iawn o fod yn rhan o dîm prosiect Cymdeithas CYSAGau Cymru a fydd yn goruchwylio datblygiad adnoddau dysgu proffesiynol ar-lein yn genedlaethol i Grefydd, gwerthoedd a moeseg (CGM) yn y Cwricwlwm i Gymru. Cafodd ymarferwyr arbenigol a ddewiswyd o blith ysgolion ledled Cymru y dasg i ffurfio ac ysgrifennu’r adnoddau a fydd yn fwyaf defnyddiol i ysgolion a lleoliadau wrth iddynt baratoi i gyflwyno’r cwricwlwm.
Mae’r prosiect dysgu cenedlaethol hwn yn bosibl drwy bartneriaeth rhwng Cymdeithas CYSAGau Cymru (CCYSAGauC) a Llywodraeth Cymru, sydd wedi rhyddhau cyllid ar gyfer creu ystod o adnoddau dysgu proffesiynol i CGM. Ar ôl eu cwblhau, bydd yr adnoddau dwyieithog yn eistedd ar Hwb.
Bu staff yng Nghanolfan San Silyn yn chwarae rhan allweddol yn cefnogi Llywodraeth Cymru i ddatblygu’r canllawiau Crefydd, gwerthoedd a moeseg statudol, ac maent wrth eu bodd yn rhannu eu harbenigedd a’u profiad yn y prosiect cyffrous hwn.
Gobeithir y bydd yr adnoddau ar gael ar Hwb Llywodraeth Cymru ym mis Ebrill 2022. Edrychwn ymlaen at ddiweddar ysgolion a lleoliadau yn Wrecsam!